Հայկ Ասլանյան

ՀՀ բարձր տեխնոլոգիական արդյունաբերության նախարարի խորհրդական

Մերի Զաքարյան

«SpaceCamp» ծրագրի ղեկավար

«SpaceCamp» կրթական ծրագիրը բացառիկ է թե՛ իր բովանդակությամբ, և թե՛ իր շուրջը համախմբված հայտնի գիտական համայնքով: Նպատակը՝ պատանիներին տիեզերագնացության, տիեզերական տեխնոլոգիաների, տիեզերական սարքաշինության և հրթիռաշինության հետաքրքրաշարժ ուղղություններով գիտելիքի փոխանցումն ու դեպի բարձր տեխնոլոգիական ոլորտներ կողմնորոշելն է:

Ավետիք Գրիգորյան

«ԱՅԱՍ» տիեզերագիտական ընկերության հիմնադիր նախագահ

Ցանկացած երկիր առավել արագ է զարգանում, երբ շեշտը դնում է գիտության և բարձր տեխնոլոգիաների վրա։ Իսկ տիեզերքն ու տիեզերական հետազոտություններն ամենահետաքրքիր, գիտատար և բարձր տեխնոլոգիական ոլորտներն են։ Սա՛ է մեր ընտրությունը։

Հայկ Մարտիրոսյան

«Հայաստանի հրթիռամոդելային ասոցիացիա» հիմնադրամի համահիմնադիր տնօրեն

Եթե մի քանի տարիների ընթացքում այս ծրագրերին մասնակցող երեխաներից մեկը դառնա հրթիռագործ, ես կհամարեմ, որ մենք իզուր չենք այս ամենը կազմակերպել։

Պետօ Դեմիրճեան

ՔՈԱՖ ՍՄԱՐԹ կենտրոնի բիզնեսի և գործառնությունների ղեկավար

Բարձր տեխնոլոգիական արդյունաբերության նախարարության հետ համատեղ ՔՈԱՖ ՍՄԱՐԹ կենտրոնում մեծ ոգևորությամբ անցկացրինք «SpaceCamp 2021»-ը, որին մասնակցեցին ավելի քան 70 աշակերտներ Հայաստանից և Ջավախքից, այդ թվում՝ ՔՈԱՖ ՍՄԱՐԹ կենտրոնի սաները։ Մեր նպատակն է նպաստել աշակերտների և պետության գիտական ներուժի զարգացմանը, և այս ճամբարը հենց այդ գործին է ծառայում՝ գիտահեն արդյունաբերություն ու տնտեսություն ունենալու ճանապարհին։

Արմինե Փաթաթանյան

Աստղագիտական կրթության հայաստանյան ազգային համակարգողների թիմի անդամ

Այս ճամբարը յուրօրինակ հնարավորություն է պատանիների ընդհանուր զարգացման և մասնագիտական կողմնորոշման համար․ այն տալիս է խորը տեսական և գործնական գիտելիքներ, մասնագետների հետ ուղիղ շփման հնարավորություն, նման աշխարհայացք ունեցող ընկերներ ձեռք բերելու միջավայր, ինչպես նաև ոգեշնչում ու աջակցություն՝ տիեզերական մասնագիտություններ ընտրելու ճանապարհին։

Շահանե Հալաջյան

ՔՈԱՖ ՍՄԱՐԹ կենտրոնի կրթության ղեկավար

Տիեզերական ճամբարը հնարավորություն տվեց բնագիտությամբ հետաքրքրվող դպրոցականներին տիեզերքն ավելի մոտ ու գիտականորեն բացատրելի դարձնել։ Մարզերն ու Երևանն իրար կապող, գիտական շեշտադրումով նման ծրագրերը հստակ քայլ են՝ Հայաստանում գիտության դերը վաղ տարիքից կարևորելու համար։

Տիգրան Մարտիրոսյան

«SpaceCamp» ծրագրի կամավոր

Իմ ամենալավ փորձառություններից մեկը «SpaceCamp 2021»-ի կամավոր լինելն էր։ Այն բավականին հետաքրքիր էր՝ իր բազմազան տեսական դասընթացներով և յուրահատուկ ինտելեկտուալ միջոցառումներով։ Մասնակիցներն ուսումնասիրեցին աստղագիտություն, տիեզերական տեխնոլոգիաներ և տիեզերագիտություն մեկ այլ տեսանկյունից ու նաև՝ հնարավորություն ստացան ծանոթանալ հատուկ հյուրերի և մասնագետների հետ։ Մեկ այլ առանձնահատկություն էլ այն էր , որ մասնակիցները հնարավորություն ստացան հետևել ու մասնակցել տարբեր փորձերի ու փորձարկումների։

Հակոբ Չախոյան

«SpaceCamp» ծրագրի մասնակից

«SpaceCamp»-ում կազմակերպած բազմաթիվ հետաքրքրաշարժ մրցույթները, փորձարարական դիտումներն ու սեմինարներն էլ ավելի խորացրին մեր՝ ֆիզիկայով ու աստղագիտությամբ հետաքրքրվող պատանիներիս գիտելիքները։ Ես համոզված եմ, որ այս ճամբարի շարունակական գործունեությունը հնարավորություն կտա պատրաստել մրցունակ կադրեր՝ դարձնելով մեր Հայաստանը առաջատար երկրներից մեկն այս ոլորտներում։

Լորետա Արզումանյան

«SpaceCamp» ծրագրի մասնակից

Ինձ բախտ է վիճակվել մասնակցել «SpaceCamp2021»-ին, որը համատեղում էր տիեզերագնացության և դրան հարող հիմնական ոլորտների ամբողջ սպեկտորի ուսումնասիրությունն՝ ակտիվ հանգստի հետ։ Լավագույն մասնագետների դասախոսությունները, աստղադիտումներն ու կինոդիտումները, հրթիռային մոդելների արձակումները տվեցին լուրջ գիտելիքներ, վառ տպավորություններ և օգնեցին ինձ ներգրավվել այդ ոլորտի հետազոտական ծրագրերում։

Աղունիկ Շամբարյան

«SpaceCamp» ծրագրի մասնակից

Բոլոր դասախոսները մեզ մոտիվացնում էին, որ մենք անընդհատ սովորենք, չդադարենք կրթվել մեր ամբողջ կյանքի ընթացքում, ինչն էլ ամենակարևորն էր, որ ես ստացա այս ճամբարի ընթացքում։